Xitay Tajawuzchilar 5-Yanwar Kosrap Qanliq Basturushidin Kéyin Qeshqer, Xotenlerde Herbi Halet Yürgüzgen

  Xitay tajawuzchiliri 1-ayning 9-küni “Pamir igizlikidiki taghliq rayonda razwetka élip bérish jeryanida Sherqiy Türkistan İslam Partiyisining herbiy meshq bazisini bayqap zerbe bergenlikini we 18 neper terrorchini étip öltürüp 17 neper terrorchini qolgha alduq”- dep bayanat élan qildi.

Bu weqe 1-ayning 5-ayning 5-küni yüz bergenlikini tilgha alghan xitay, bigunah Uyghur puqralarning herbi meshq bazisining ornini, yer namini, resimini, shehid qilin’ghan we qolgha élin’ghan mujahidlarning isim-sheripini peqet tilgha alimighan we resimlirinimu élan qilmighan.

 Qanliq basturush yüz bérip 4 kün ötkendin kéyin xewerni ashkarilighan, bu töt kün jeryanida Sherqiy Türkistanning Aqtu nahiyisidin bashlap pütkül Qeshqer, Xoten wilayetliri tewesidiki chong-kichik yollargha tosaq qurup, kéche-kündüz qarawul turghuzup Sherqiy Türkistanliqlar barliq yoluchilarning kimligini we yük-taq, hemyanlirini qattitq tekshürgen. Herbi halet Qeshqer shehridimu qattiq ijra qilin’ghan bolup, sheher xelqining Ürümchi waqti sa’et 21 din ilgiri sirtqa chiqishi we yolda méngishi qattitq men’i qilin’ghan. Herbi halet 4 kün dawam qilghan. JX nazariti bayatan élan qilghan 9-yanwardin ilgiri Sherqiy Türkistan xelqige bu weqeni qattit mexpi tutqan, hetta hazirmu nurghun xelqimiz bu weqedin bixewer ikenligidin xewer taptuq. Herbi halet jeryanida qanche oghlanimizning shehid qilin'ghanliqi we qolgha élin'ghanliqini Allah özi bilidu.

  Özlirining tajawuzchiliq we irqiy qirghinchiliq jinayetlirini “qanunluq heriket” qilip körsitishke urunushtin bashqa, dunya miqyasida hechkimge chéqilmighan, bigunah Sherqiy Türkistanliq puqralarni “terrorchi idi”-dep geptin gep yoq kollektip oqqa tutup, bir türkümini qolgha élip qamap, yurtimizda herbi halet(aq terrorluq) yürgüzüp birmunche xelqimizni qolgha alghanning sirtida pütkül xelqimizni böhtan bilen qirghin qilish üchün xelq’aradin “hésdashliq, testiq we yardem” telep qilmaqta.

  Seddichin sépili ichidiki Sichüen wilayitidin 5 ming km gherptiki Sherqiy Türkistan’gha qoralliq kélip, bir qétimdila 18 neperSherqiy Türkistanliq zimin igisini wehshilerche étip öltürüp, qalghanlarni esir élip türmige tashlighan xitay terrorchi bolmay, özining ezeli we ebediy yurtida yashawatqan 18 neper qérindishining oqqa tutup shehid qilin’ghanliqini körüp özini qoghdash üchün xuangchiang isimlik bir tajawuzchi düshmenni jehennemge uzatsa ular terrorchi hésaplinamdu?

Yirginishlik yéri shuki,  nomussiz tajawuzchilar Sherqiy Türkistan xelqini, tajawuzchiliq we qatilliq jinayiti tüpeyli ölümge mehkum qilin’ghan xuangchiang isimlik xitayni ülge qilish, qatildin üginishke chaqirip, Sherqiy Türkistan xelqining jimisini tajawuzchi-qatillargha qulluq qilish, özlirining ar-nomusini, izzet-ekramlirini sétip, xitaylar bashlirigha taharet qilip qoysimu xorluq hés qilmaydighan, közi kor, köngli qara ademsiman haywanlardin bolushqa qistimaqta! Dunyada (xitaydin bashqa) dölet yaki millette tajawuzchi we qatilni ülge qilidighan ish mewjutmidu?

  Xitay tajawuzchilirigha shuni yene bir qétim jakalaymizki, Sherqiy Türkistan xelqining üginish ülgisi we yol bashchisi Muhemmed peyghember ! (s.e.w)! Sherqiy Türkistan we pütün dunyadiki insanlar boysunushqa tégishlik samawi qanun - Qur’ani-Kerimdur !  Tajawuzchi xitaylar  bilip qoyushki, zulum qilghuchi jezmen jazalinidu! Senlerning her ikki dunyada reswa bolidighanliqing’gha we jazalinidighanliqing’gha  héch bolmighanda pütün dunya musulmanliri iman keltüridu ! Sherqiy Türkistan xelqi we Sherqiy Türkistan tupraqliri, hetta herbir tal giyasi dunyada we axirette senlerning jinayetliring üchün guwahliqtin ötidu, aldirap körenglep kétishme, achköz, qara niyet haywanlar!  

   Ulugh Allah shehidlirimizning mertiwisini üstün qilghaysen, mujahidlirimizni öz panayingda saqlighaysen, bizge ashu düshmenlerge qarshi jihad qilidighan imkan ata qilghaysen! Azadliq kürishimizge nusret ata qilghaysen,  Amin!

 Hörmet bilen:

Qaraxan

2007-yili 1-ayning 14-küni

www.turkistanim.org

E-Mail: uyghur@turkistanim.org