Türkiye İnsan Heqliri we Mezlumlar Hemkarliq Jemiyiti Rabiye Qadir Xanimgha "İnsan Heqliri Mexsus Mukapati" Teqdim Qildi

   Türkiyening İnsan heqliri we mezlumlar hemkarliq jem'iyiti İstanbul shöbisi 2007-yili 1-ayning 27-küni İstanbul waqti saet 18:30 de İstanbuldiki Bayrampasha medeniyet merkizi zalida "İnsan heqliri kéchiligi" paaliyiti ötküzdi.

Türkiye İnsan heqliri we mezlumlar hemkarliq jem'iyiti İstanbul shöbisining re'isi Mustafa Erjan daim Sherqiy Türkistan musteqilliq herikitini yéqindin qollap keldi. Allah bu qérindishimizdin razi bolsun.

    Yighinda awal mezlumlar jemiyiti İstanbul shöbe bashliqi Mustafa Erjan jemiyet qurulghan 16 yildin béri ishligen xizmetler we bésip ötken egri-toqay yollar heqqide omumi melumat berdi. Re'is Mustafa Erjanning doklatidin ilgiri jemiyet ishligen xizmetler heqqidiki süretlik filim yighin ishtirakchilirigha qoyup bérildi.

Türkiye İnsan heqliri we mezlumlar hemkarliq jem'iyiti İstanbul shöbisining re'isi Mustafa Erjan xizmetlerni xulase qilmaqta.

 Undin kéyin Türkiye we bashqa dölet we rayonlardiki kishilik hoquqni depsende qilish, dunyadiki zorawanliq, tajawuzchiliq we zulumgha qarshi küresh qilisk heqqide kishilik hoquqqa alaqidar ammiwi teshkilat wekilliri, parlamént ezasi, shairlar, jemiyet ezaliri we rehberler ayrim-ayrim söz qildi. Qurani-Kerim we hedis shéripning rohi boyiche yashash, zulumgha qarshi turush heqqide qisqa nutuq we dualar qilindi.  (Töwendiki resimge qarang)

   Rehber we wekillerning  nutqidin kéyin mukapat tarqitish murasimi ötküzüldi.

  Xitay tajawuzchiliri teripidin qolgha élinip türmige 6 yil qamalghan we azad qilinip Amerikigha panahlan'ghandin kéyin Amerika Uyghur jemiyitige re'is, andin Dunya Uyghur Qurultiyigha re'is qilip saylan'ghan Rabiye xanimgha kishilik hoquqni qoghdash yolida töligen bedelliri we tirishchanliqini hörmetlesh hemde ilham bérish yüzisidin "İnsan heqliri mexsus mukapati" teqdim qildi.Rabiye xanimning Uyghur xelqining insan heqlirini qolgha keltürüsh üchün qilghan tirishchanliq we küreshliri bayan qilindi. Rabiye xanimni bu shereplik minutlar üchün tebrikleymiz. Ténige salametlik, turmushigha xatirjemlik, ailisige bext-saadet, qiliwatqan küreshlirige muweppeqiyetler tileymiz!

  Xeyrullah Efendigil Rabiye Qadir xanimgha bérilgen mukapatni wakaliten tapshurup aldi. Xeyrullah hajim aptuwuzda kéchilep 500 km yol yürüp Enqeredin İstanbulgha kélip bu shereplik minutlarni kütiwaldi, Allah ejrini bersun we razi bolsun,Amin!  

  Rabiye Qadir xanim bu yilmu xitayning déplomatik térrorluqi tüpeylidin Türkiyening vizisini alalmighachqa kélelmigen, shunga mukapatni Enqerediki Sherqiy Türkistan medeniyet we hemkarliq jemiyitining reisi Xeyrullah Efendigil tapshurup aldi. Rabiye Qadir xanimning paaliyerliri we kechürmishliri qisqiche video filimi sheklide yighin ishtirakchilirigha körsitildi.Xeyrullah Efendigil mukapat buyumini tapshurup alghanda yighin ehli gulduras alqish yangritip heqqaniyetke bolghan küchlük intilishi, zulumgha bolghan ghezep-nepritini namayen qildi we Rabiye xanimgha, Rabiye xanim wekillik qiliwatqan mezlum Sherqiy Türkistan xelqige bolghan hesdashliqini, xitay tajawuzchiliri we zalimlirigha bolghan ghezep-nepritini namayen qildi.

  Bügünki kechlikte 3 shexs mukapatlandi. Birinchisi Rabiye Qadir xanim, ikkinchisi munewwer yash qanunchi, adwukat Muherrem Balchi(töwendiki resimge qarang), üchinchisi İstanbul mezlumlar jemiyiti tashqi ishlar xizmiti mes'uli Ayshe İrem Demiriz.Yuquridiki resimde mezlumlar jemiyiti xadimi(xanim) Ayshe İren Demiriz(Amerikigha xizmet üchün ketkenligi üchün wakaliten mukapat buyumini tapshurup alghan körünüsh)

 Yuquridiki resim bügün mukapatqa érishken yash adwukat Fatma Benli'ning wekili. Mukapatni tapshurup alghandin kéyin intayin menilik shéir deklimatsiye qilip yighin qatnashquchilirining qizghin alqishigha muyesser boldi.

İnsan heqliri organ mukapati Yash qanunhchilar hoquq oqush seyshenbe guruppisigha adwukat Muharrem Balchi kishilik hoquqni qoghdash yolida qilghan emgiki we eqidisi üchün mukapatqa érishti.
İnsan heqliri we mezlumlar jemiyiti tashqi munasiwetler bölüm bashliqi Ayshe İrem Demiriz kishilik hoquq üchün küresh qilghuchi Rabiye Qadir xanimni A.Q.Sh da ziyaret qildi.

  Yighin jeryanida sehnige chiqqanlar xitay térrorchilirining deplomatik térrorluq heriketliri we Türkiye tashqi ishlar ministirligining Rabiye xanimgha viza bermigenlikini qattitq eyiplidi we epsuslinidighanliqini ipadilidi.

  Yighin ishtirakchiliridin bir körünüsh.Yighingha Sherqiy Türkistan maarip jemiyiti, medeniyet jemiyiti we köchmenlerni öz ichige alghan 600 neperdin artuq İstanbul ahalisi qatnashti.

 Yighin zalidin bir körünüsh. Yighin natiqliri "gerche sözlesh nöwiti hazirche manga kelmisimu zalimlargha hergiz süküt qilmaymen"-digen roh bilen, zalimgha qarshi küresh qilish heqqide nutuqlar sözlidi. Bügün chüshtin kéyin kishilik hoquq toghrisida mexsus axbarat élan qilish yighini échilghan idi, Türkche xewer we bayanatlarni www.mazlumder.org  we bashqa teshwiqat wastiliridin körgeysiler.

  (Mukapat xatire buyumining resimini körgüsi kelgenler bu yerni bésinglar)

 Yighin kün tertiwige asasen ammiwi teshkilat rehberlirining nutqi, shéir diklimatsiye we kishilik hoquqni qoghdash yolida ahalide töhbe qoshqan shexslerge mukapat tarqitish murasimidin kéyin "Birlik sehnisi" namida tiyatir oynaldi, andin Ömer Qaraoghlining orunlishida naxsha-muzika orunlinip yighin ishtirakchilirining qizghin alqishigha érishti. Yighin muweppeqiyetlik axirlashti.

Qaraxan

2007-yili 1-ayning 27-küni

www.turkistanim.org

E-Mail: uyghur@turkistanim.org

  Türkiye Kishilik hoquq we mezlumlar üchün hemkarliq jemiyiti İstanbul söbisining alaqe melumatliri paydilinishinglar üchün töwendiki resimde bérildi.Bu jemiyetke chin könglimizdin rexmet éytimiz, Allah ulardin razi bolsun!