Ghulja Pajiesining 10 Yiliqini Xatirilesh we Qeshqer Kosrap Qirghinchiliqigha Naraziliq Qilish Yüzisidin Enqerediki Xitay Bash Elchixanisi Aldida Namayish Ötküzüldi

  Türkiyediki Sherqiy Türkistan medeniyet we hemkarliq jemiyitining Qeyseridiki merkizi we Enqere shöbisi birlikte Ghulja pajiesining 10 yilliqini xatirilesh we Qeshqer Kosrap qetliamini eyiplesh yüzisidin 2-ayning 5-küni İstanbul waqti 13:00 din 14:00 ariliqida Enqerediki xitay bash elchixanisi aldida naraziliq namayishi ötküzdi.

Xitay tajawuzchiliriningxelq Enqerede turushluq bash elchixanisi aldigha Uyghur köchmenler we Enqerediki ammiwi teshkilat ezaliri bolup 100 din artuq kishi qatnashti. Sherqiy Türkistan medeniyet we hemkarliq jemiyitining Qeyseridiki merkizi jemi'et reisi Séyit Tümtürk ependining rehberlikide qehritan soghuqqa qarimay Enqerege kélip namayishning téximu janliq bolushigha kapaletlik qildi.

  Namayishchilar 1997- yili 5 -Yanwar küni Ghuljida xitay fashistliri peyda qilghan qanliq qirghinchiliqning 10 yilliqi yüzisidin namayish ötküzdi. Namayishqa Türkiye memurlar birleshmisi yéqindin yardem berdi we qatnashti.

  Namayishchilar qollirida Sherqiy Türkistan we Türkiyining ay yultuzluq bayraqlirini hemde "Xitaylar Sherqiy Türkistandin yoqal! Sherqiy Türkistan Türkning yurti! Qatil xitaylar yoqulush! Tajawuzchi qizil Xitay Sherqiy Türkistandin yoqulush!", "Türkiye uxlima! Qérindishinggha ige bol!"- qatarliq shuarlarni towlashti we "Allahu Ekber"-dep jarangliq tekbir éytish bilen namayishni dawamlashturdi.

  Sherqiy Türkistan medeniyet we hemkarliq jemiyitining reisi Séyit Tümtürk xitay elchixanisi aldida Türkiye we bashqa dölet muxbirlirigha bayanat élan qildi. Séyit Tümtürk bayanatida : "1997-Yili 2-Ayning 5-küni Ghuljida yüz bergen xitayning qirghinchiliq qilmishigha 10 yil boldi.Qehritan soghuq 5-fewral küni qolliri Sherqiy Türkistan xelqining qéni bilen boyalghan xitay tajawuzchilirining elchxanisining aldigha jem bolup Ghulja weqeside qetli qilin'ghan Sherqiy Türkistanliqlar üchün xitaygha naraziliqimizni bildürüp kelgili 10 yil boldi. Bügün silerge Ghulja weqesining nimilikini chüshendürmekchi emesmen. Chünki, biz silerge Barin, Ghulja we Xoten weqelirini chüshendürüwatqan künimizde yéngi qirghinlar bulargha qoshulup mangdi. Hörmetlik axbaratchilar, ammiwi teshkilat mes'ulliri we Sherqiy Türkistan dosti qérindashlirimiz, bizni yalghuz qoymighanliqinglar üchün silerge köptin köp rexmet éytimiz. Sherqiy türkistan xelqining peryadigha qulaq sélinglar. Pütün türk xelqige bu zulumni anglitinglar. Men bu yerde Ghulja weqeside shéhit bolghan pütün shéhitlirimizge Allahtin rehmet tilesh bilen birlikte barliq Türk xelqini Sherqiy Türkistan xelqige ige bolushqa, yardem qilishqa chaqirimen".-didi.

  Sherqiy Türkistan medeniyet we hemkarliq jemiyitining reisi, Dunya Uyghur qurultiyining muawin reisi Séyit Tümtürk Enqerediki xitay elchixanisi aldida naraziliq nutqi sözlep, xitay tajawuzchilirining Sherqiy Türkistanda ötküziwatqan jinayetlirini pash qilmaqta we eyiplimekte. Soldiki resimdiki qara sanduq Sherqiy Türkistanda Barin, Ghulja we pütkül yurtlirimizda xitay tajawuzchiliri élip bériwatqan qanliq qirghinchiliq we perzent körüshni cheklesh nami bilen yürgüziwatqan irqiy qirghinchiliqni pash qilish we eyiplesh üchin tajawuzchi, qatil xitay hakimiyitige teqdim qiliniwatqan tawut. Tawut üstige "Qatil xitay", "Xitay-balilarning qatili!"-dep yézilghan.

Qaraxan

2007-yili 2-ayning 6-küni

www.turkistanim.org

E-Mail: uyghur@turkistanim.org