Sherqiy Türkistan Dawasi Türkiye "Paytext TV" side 

  Dunya Uygur Qurultiyining muawin re'isi, Türkiyediki Sherqiy Türkistan medeniyet we hemkarliq jem'iyitining re'isi Seyit Tümtürk  Türkiye paytexti Enqerediki "Paytext TV" ning tekliwige bina'en yérim sa'etlik söhbet programmisigha qatnashti. Söhbet tepsilati neq meydandin ulap tarqitildi.

 Yérim sa'et dawam qilghan söhbette bu yil 5-yanwar küni Qeshqerde 18 qerindishimizning shehid qilin'ghanliq weqesi we "5-Fewral Ghulja paji'esi" ning 10 yilliq xatirisi hemde xitay tajawuzchilirining Sherqiy Türkistanda ötküziwatqan kishilik hoquqni depsende qilishtek jinayetlirini etrapliq chüshendürüp ötti. Türkiye- Xitay munasiwetliride Türkiyening ziyinigha méngiwatqan, xitayning aldamchiliq siyasetliri heqqide xelq'arada yüz bériwatqan weqelerge birleshtürüp melumat bérildi.

  Xitayning Siprus Rum rayonigha bolghan yardimi, shimaliy İraqtiki peshmerge rehberlirining xitaygha teklip qilinishi, Türkiyening ziyinigha tüzülgen Türkiye- Xitay soda munasiwiti, qoshnilarning xitay we shimali Koriyede ishlen'gen bashqurilidighan bomba bilen qorallinishigha oxshash mesililer chüshendürüldi. Türkiye- xitay munasiwetliri Türkiyening ziyinigha ornitilghanliqigha qarimay Sherqiy Türkistan mesilisining nime üchün zörüri köngül bölüshlerge érishelmey kelgenligi tekitlendi.

Qaraxan

2007-yili 2-ayning 6-küni

www.turkistanim.org

E-Mail: uyghur@turkistanim.org