Sherqiy Türkistan Teshkilat Rehberliri Türkiye AKP Guruppa Bashliq Wekili Prof.Dr. İrfan Gündüzni Ziyaret Qildi

  Soldin: Prof.Dr.İrfan Gündüz, Séyit Tümtürk, Xeyrullah Efendigil, Abdulla Tursun

  2-Ayning 21-küni Türkiyede hakimiyet yürgüziwatqan Adalet we tereqqiyat partiyisi (Türkche "Adalet ve Kalkınma Partisi" deydu, AKP) grup bashliq wekili we İstanbul xelq wekili Prof. Dr. İrfan Gündüz Türkiye parlamént binasidiki ishxanisida Sherqiy Türkistanliq teshkilat rehberliridin Séyit Tümtürk, Xeyrullah Efendigil, Abdulla Tursun, Erkin Emet qatarliqlarning ziyaritini qobul qildi. Ziyaret hey'iti İrfan Gündüz ependige Sherqiy Türkistanning yéqinqi weziyiti heqqide melumat berdi we Sherqiy Türkistan mesilisi heqqide doklat sundi.

  Dunya Uyghur qurultiyi reisi Rabiye Qadir xanimning Türkiyege kirishining men'i qilinishi, merhum İsmail Semedning ölüm jazasigha höküm qilinip étip öltürülüshi, bu yil 1-ayning 5-küni Qeshqerning Aqtu Kosrap yézisida 18 neper Uyghur musulmanning qirghin qilinishi qatarliq weqelerdin etrapliq melumat bérildi.

  Türkiyening xitay bilen bolghan munasiwetliride Türkiye yaxshi niyyette muamile qilip kelgen bolushigha qarimay, xitayning nöwettiki xelq'ara imtiyazliridin yaman gherez bilen toluq paydilinip Sherqiy Türkistandiki assimilatsiye we irqiy qirghinchiliqni kéngeytiwatqanliqi, eger bundaq kétiwéridighan bolsa Türkistan tupraqlirining tamamen xitayliship kétip, qutquziwalghili bolmaydighan xeterlik weziyetke duchar bolidighanliqimizni semige saldi.

 Bu heqte parlamént ezasi İrfan Gündüz ependi parlaménttiki bu mesilige munasiwetlik wekillerge ehwalni yetküzüp qoyushi telep qilindi.

Qaraxan

2007-yili 2-ayning 21-küni

www.turkistanim.org

E-Mail: uyghur@turkistanim.org