|
Sherqiy Türkistan Teshkilat
Rehberliri Türkiye Parlaménti Türkiye-Xitay Dostluq Gurup
Bashliqi Salih Kapusuzni Ziyaret Qildi
Soldin: Abdulla Tursun, Xeyrullah Efendigil, Salih Kapusuz,
Séyit Tümtürk ve Erkin Emet
Türkiye-Xitay parlaméntliri
dostluq guruppa bashliqi, Ak partiye guruppa bashliqi wekili
Salih Kapusuz ependi Türkiye parlamént binasida Dunya
Uyghur qurultiyi rehberlirining ziyaritini qobul qildi.
Ziyaret hey'iti Salih Kapusuz
ependige Sherqiy Türkistanning yéqinqi weziyiti heqqide melumat
berdi we Sherqiy Türkistan mesilisi heqqide doklat sundi.
Dunya Uyghur qurultiyi reisi
Rabiye Qadir xanimning Türkiyege kirishining men'i qilinishi,
merhum İsmail Semedning ölüm jazasigha höküm qilinip étip
öltürülüshi, bu yil 1-ayning 5-küni Qeshqerning Aqtu Kosrap
yézisida 18 neper Uyghur musulmanning qirghin qilinishi qatarliq
weqelerdin etrapliq melumat bérildi.
Sherqiy Türkistanda musulman
Türk xelqini qetliam qilish bilen küchep shughulliniwatqan xitay
xelq qurultiyi bilen Türkiye parlaménti arisida zadi qandaq
dostluqning ornitilidighanliqi mulahize qilindi. "Dostluq" nami
bilen qurulghan bu birliktin Sherqiy Türkistanda yüz bériwatqan
weqeler, xitayning zulumi, irqiy qirghinchiliqining tilgha
elinidighan yaki "atlap ötüp kétilidighan mesililer" qataridimu
digen soallar soraldi. Türkiye-xitay arisidiki dostluq hulining
xitayning Türkiye bilen qérindash bolghan Sherqiy
Türkistanliqlargha qarita yürgüziwatqan irqiy qirghinchiliq we
zulumni saqit qilghandila andin heqiqi ipadisini
tapalaydighanliqi ipadilendi.
Bu heqte Salih Kapusuz ependi
xitayning mes'ul rehberliri bilen körüshken her sorunda Sherqiy
Türkistandiki Uyghurlarning insaniy hoquqliri we démokratiye
mesilisi toghrisida zözüriy heqlirining bérilishi lazimliqini
telep qilip kéliwatimiz, bundin kéyinmu bu jehettiki xizmitimiz
dawam qilidu, didi.
DUQ hey'iti Salih Kapusuz
ependige Sherqiy Türkistandiki éghir mesililer we xeterlik
weziyet heqqide dpklat sundi. Salih Kapusuz ependi doklatni bash
ministir we tashqi ishlar ministiri qatarliq munasiwetlik
mes'ullargha yetküzidighanliqini bildürdi.
Qaraxan hazirlidi
2007-yili 2-ayning 21-küni
www.turkistanim.org
E-Mail:
uyghur@turkistanim.org
|
