Sherqiy Türkistan Teshkilat Rehberliri Sabiq Déplomatiye Ministiri Yashar Yaqish Ependini Ziyaret Qildi

Sabiq tashqi ishlar ministiri, Düzche xelq wekili, Türkiye parlaménti Yawropa parlaménti hey'iti bashliqi Yashar Yaqish ependi. (Otturida)

  Sabiq tashqi ishlar ministiri, Düzche xelq wekili, Türkiye parlaménti Yawropa heyitining mes'uli Yashar Yaqish ependi parlamént binasidiki ishxanisida DUQ heyitining ziyaritini qobul qildi.

 Dunya Uyghur qurultiyi reisi Rabiye Qadir xanimning Türkiyege kirishining men'i qilinishi, merhum İsmail Semedning ölüm jazasigha höküm qilinip étip öltürülüshi, bu yil 1-ayning 5-küni Qeshqerning Aqtu Kosrap yézisida 18 neper Uyghur musulmanning qirghin qilinishi qatarliq weqelerdin etrapliq melumat bérildi.

 
  Sabiq tashqi ishlar ministirige Türkiye- xitay munasiwitidiki xelqara herbiy, siyasiy we iqtisadiy jehettiki tengpungsizliq heqqide tepsili melumat bérildi we yüz bériwatqan weqelerning hemmisi Türkiye bilen Sherqiy Türkistanning ziyinigha boluwatqanliqi bayan qilindi. Shundaq bolushigha qarimay, Türkiye-xitay munasiwetliride Sherqiy Türkistan mesilisining körmeslikke sélinishi we nezerdin saqit qilinishliri heqqide peqet chüshenche bérilmeywatqanliqi bayan qilindi.

  Axirida sabiq tashqi ishlar ministirige Rabiye Qadir xanimgha 2006- we 2007-yili uda Türkiye vizisining bérilmesliki, xitayning Türkiyege qaratqan déplomatik bésimining jiddi tüs alghanliqi heqqide ahalide tekitlep ötüldi.   Yashar Yaqish ependi Rabiye Qadir xanimning Amerikida turush ijazetnamisi we sayahet kimlikige ige turuqluq peqet Türkiyege kirishining men'i qilinishi- chüshendürgili bolmaydighan ghelite weqe ikenligini éyitti. Yashar Yaqısh ependi bash ministir we tashqi ishlar ministiri bilen körüshüp bu weqe üstide tekshürüsh élip baridighanliqini bildürdi.

Qaraxan   hazirlidi

2007-yili 2-ayning 21-küni

www.turkistanim.org

E-Mail: uyghur@turkistanim.org