3 ـ Qétimliq Dunya Yétim Balilar Uchrishish Merikisi

Istanbulda Ötküzüldi

Sherqiy türkistanliq ösmürler déklimatsiye qilghan shéir:
"Ay-Yultuzluq Kök Bayraq"

 "Türkiye insaniy yardem wexpe" ning teshkillishi bilen "istanbul körgezme we yighin merkizi" de 2007 ـ yili 6 ـ ayning 17 ـ küni "xelq'ara yétim balilar uchrushush paaliyiti" ötküzuldi. Bu xelq'ara paaliyetke qatniship sherqiy türkistanning ötmüshi we bügünini dunya jamaetchilikige anglitish üchün sherqiy türkistan maarip we hemkarliq jem'iyiti ösmürlerni teshkillep estayidil hazirliq qildi. Türkiye insaniy yardem wexpining tallash musabiqisigha qatnashqan rahilem, aygüzel we qelbinur qatarliq üch qiz "kök bayraqni söyimiz" ,"biz sherqiy türkistan ösmürliri" namliq shéirlarni déklimatsiye qilip teyyarliq hey'itining qizghin aqishigha érishti we bu xelq'ara yighin'gha qatnishish pursitini qolgha keltürdi. Tallash musabiqisi we resmiy yighindin élin'ghan sin'alghufilimini bir nechche qisimgha bölüp hozurunglargha sunimiz. Yuquridiki uning birinchi qismi.

 

  Istanbuldiki Sherqiy Türkistan maarip we hemkarliq jem'iyiti Rahile, Aygüzel, Qelbinur qatarliq Sherqiy Türkistanliq balilar wekillirini bu merikige teshkillidi. Her qaysi dölettin kelgen balilar wekilliri özlirining milli ـ örp-aditini ipadileydighan kiyim ـ kichekliri bilen her xil mezmunda, naxsha oqudi, shé'ir diklimatsiye qildi, Allahqa hemdu sanalar, Muhemmed eleyhissalamgha medhiyiler oqudi. Öz kechürmishlirini, millitining, xelqining, wetinining derd- elemlirini, ahu-zarliniri,tajawuzchiliq we zulumning achchighini yighin ishtirakchilirigha we sun'i hemra téléwiziyisi qatarliq zamaniwi teshwiqat wastiliri arqiliq dunya jamaitige anglatti.

  17dölettin istanbulgha jem bolghan yétim balilar wekillirining jarangliq sadaliridin tesirlen'gen nurghun yighin ishtirakchiliri köz yéshi qilishti.

Komunist xitay tajawuzchilirining zulmi, fashist xitayning pilanliq tughut siyasiti niqabi astidiki irqiy qirghinchiliqigha bolghan ghezep-nepretni eks ettürgen shéir Uyghur qizlarning jarangliq tili bilen Türkche déklimatsiye qilinip yighin ehli gah alqishlisa, gah xitaygha, tajawuzchi zalimlargha bolghan ghezeptin jimjitliq höküm sürdi, minglighan anilar közlirige yash aldi we yighin axirida beziliri sehnige chiqip Uyghur qizlarni baghrigha bésip xatire süretke chüshüshti, Sherqiy Türkistan'gha musteqilliq, Sherqiy Türkistan xelqige azatliq we erkinlik tilidi. Ularning ichide Uyghur, Qazaq, Türktin bashqa Erep, Paris,Chéchen, Boshnaq,Malay, Négir ayallarmu bar idi.