Sherqiy Türkistan Radio Téléviziyisi Tesis Qilindi

 

  Hörmetlik, Eziz Sherqiy Türkistanliq Qérindashlar:

Essalamu Eleykum!

 

 Sherqiy Türkistan Islam Jumhuriyiti we Sherqiy Türkistan Jumhuriyiti qurulghanliqining xatirisige béghishlap Sherqiy Türkistan Radio Téléviziyisi tesis qilindi we sinaq teriqiside uchur tarqitishqa bashlidi. Radio Téléviziye tor bet adresi töwendikidek:

 

http://tv.turkistanim.org  we  http://www.turkistanim.org/strt

 

   Sherqiy Türkistan Radio-Téléviziyisi Sherqiy Türkistanliq qérindashlar we Sherqiy Türkistan xelqige, medeniyitige, tarixigha, musteqilliq dawasigha köngül bölidighanlar üchün intérnét arqiliq mulazimet qilidu.

 

Sherqiy Türkistan Radio Téléviziyisi erkin halda Sherqiy Türkistan tarixi, Islam dini, Sherqiy Türkistan xelqining medeniyiti, sen’iti, örp-adetliri, Sherqiy Türkistanning jughrapiyisi, burunqi we hazirqi ehwali, xitay tajawuzchilirini qoghlap chiqirip Sherqiy Türkistanning musteqilliqini qolgha keltürüsh yolida élip bérilghan küresler, tejribe-sawaqlar we bu heqte élip bérilghan izdinish, tetqiqat netijiliri, xewer, obzor, ilmiy maqala, shé’ir qatarliqlarni radio we internet téléviziye ékrani arqiliq hozurunglargha sunidu.

 

Sherqiy Türkistan Radio- Téléviziyisi aldi bilen mubarek Islam dinimizgha uyghun ish qilidu, Sherqiy Türkistan Asasiy Qanunini ölchem qilidu. Undin bashqa herqandaq dölet, teshkilat yaki shexsning cheklimisige uchrimaydu. Xitay jahan’girlirining weten ichi we xelq’arada bizge qarshi élip bériwatqan düshmenlikliri, dölet térrorluqliri, tetür teshwiqatliri we déplomatik térrorliqlirigha qet’i qarshi küresh qilidu.

 

  Sherqiy Türkistan Radio Téléviziyisi (qisqartip STRT-dep atiduq) biterep Radio-Téléviziye emes, u Sherqiy Türkistan jumhuriyiti we Sherqiy Türkistan xelqi terep bolup, her zaman xitay tajawuzchilirini qoghlap chiqirish, Sherqiy Türkistanning musteqilliq kürishi üchün, Sherqiy Türkistan döliti we millitining barliq menpe’etlirini qoghdash, jümlidin, zémin pütünliki, mal-mülk, dini étiqad, til-yéziq, medeniyet, exlaq, izzet-ékramini qoghdash üchün xizmet qilidu.

 

Sherqiy Türkistanliq qérindashlarning herxil xewer, sin’alghu filim, xewer, ilmiy maqala, kitap, teqdir we medeniyitimizge a’it yazma, awazliq yaki sin matiriyallirini ewertip bérishini qarshi alimiz. Eserning xaraktérige qarap radio yaki télévizorda élan qilimiz. Aptorlargha hazirche qelem heqqi bérilmeydu. Radio anglighuchi yaki télévizor körgüchilerning herqandaq soal, pikir yaki teklipliri bolsa strt@turkistanim.org arqiliq bizge ewetip bérishini semimi qarshi alimiz we jawap qayturimiz.

 

  Ulugh Ramizan künliride Sherqiy Türkistanliq qerindashlarning ténige salametlik, turmushigha xatirjemlik, öginish we xizmetlirige utuq tileymiz.

 

Allah hemmimizning müshkülini asan, yolini ochuq qilsun, Amin!

 

Hörmet bilen:

Sherqiy Türkistan Axbarati

Sherqiy Türkistan Radio Téléviziyisi

2007-Yili 10-Ayning 10-Küni