Qayghuluq Teziye
 

  Sherqiy Türkistan milliy musteqilliq küresh sépimizdiki pidakar jengchi, weten ichi we sirtida tonulghan dangdar naxshichi, ot yürek sha’ir, birge mutexessis köpke mahir chalghuchi, talantliq kompozitor, dunya Uyghur qurultiyining bash teptishi, Shiwétsiye Uyghur komitétining reisi merhum köresh kösenning anisi Tillaxan hedining wapat bolghanliq shum xewirini anglap bekmu qayghurdum we éghir musibetke chöktum.

 

Men Tillaxan hedini 1998- yili 5- aydiki Tashkenttiki tutqundin qéchip (men Tillaxan hedem, merhum Köresh Kösenler) Bishkekke mang’ghan kéchisidin tartip tonuyttim we chet'eldiki sergendarliq hayatimizni bille ötgüzgen iduq.

 

Kéyinki künlerde biz  merhum Tillaxan hede bilen Shiwétsiyening Eskilstuna shehride bir nechche yilni bille ötgüzgen iduq. Merhumning mungluq - qayghuluq eslime hikayilirini köp qétim anglap yürek parilirimiz ézilgen idi. Merhum Tillaxan hede Sultanjan( Köresh Kösenning dadisi ) akining derdini bir ömür tartip, öz wetinige patmay sürgün hayatini béshidin köchürüp Sherqiy Türkistan ziminida qéchip yürüp yashighan bolsa, yéqinqi bir nechche yil ichide merhum Köresh Kösenning inqilabi paaliyetliri tüpeyli xitay kommunéstlirining bésimida chet'elge chiqip kétishke mejbur bolup , sergendarliq hayatini qayta bashlashqa mejbur bolghan idi. U Shiwétisiyede turghan mezgilliride Köresh Kösen'ge we bizge dadilliq bilen medet bérip Shiwétsiye Uyghur komutétitining qurulushigha, milliy dawayimizning tereqqiyatigha, herxil paaliyetlirimizning ghelbilik élip bérilishigha  yéqindin masliship qimmetlik pikirlirini ayimay, meniwi yardem bérip türtkilik rol oynighan idi.... U bir  yiraqni köreleydighan, etrapliq pikir qilalaydighan , siyasiyon'gha xas tebi’etlik Uyghur ziyali ayalliridin biri idi.

 

  Merhum Tillaxan hede bir Köresh Kösenning anisi bolupla qalmay minglighan , on minglighan Uyghur perzetlirining pidakar anisi bolushqa munasip, biz merhum Köresh Kösenning anisi merhum Tillaxan hede bilen téxi ötkenki künlergiche téléfonda sözliship , merhum Köresh Kösenning namigha atap, Ürümchidiki Aq meschitte iptarliq bérip, qur'an tilawet qilip jama’etning duasini alghanliqini, iptargha merhumning hayat waqtidiki dostliri we uyghur jamaétidin nurghun ademlerning kélip qatnashqanliqini anglighan idim.....

 

6-Öktebir küni Washin'gitonda , Köresh Kösenning bir tuqqan singlisi Munewer xanim teripidin iptarliq bérip qur'an tilawet qilghanliqinimu anglighan iduq .

Bügün bu shum xewerni anglawatimiz. Bu kelgülük merhumning ailisige keyni -keynidin kelgini turuptu. Biz buningdin bekmu qayghurduq we ich-ichimizdin échinduq.

 Merhumgha elekmulilla digendin sirt  janabi Allahtin jennet merhimiti tileymiz .amin !

Merhumning Ürümchidiki singlisi Gülshen xanimgha, Aman'gül xanimgha we Shiwétsiyige tünügün kelgen, Amérikada yashawatqan Munewer xanimgha sebre tileymiz.

 

Köresh Kösen ailisini janabi heq öz panahida saqlisun!

 

  Merhum Köresh Kösen we merhum Tillaxan hedimizning yatqan yéri jennettin bolsun! Amin !

 

  Shiwétsiyedin

Abduréshid Haji Kérimi

Qeyser Abdurusul ,

2007-yil 10-ayning 12-küni

Shiwétsiye - Eskilstüna